ჯო ბაიდენი დონალდ ტრამპისთვის იმუნიტეტის მინიჭებაზე - სასამართლოს ეს გადაწყვეტილება ძირს უთხრის კანონის უზენაესობას

აშშ-ის პრეზიდენტი, ჯო ბაიდენი უზენაესი სასამართლოს გადაწყვეტილებას ყოფილი პრეზიდენტის, დონალდ ტრამპისთვის სისხლისსამართლებრივი დევნისგან ნაწილობრივი იმუნიტეტის მინიჭების შესახებ „საშიში პრეცედენტი“ უწოდა.

ბაიდენის შეფასებით, გადაწყვეტილება ძირს უთხრის კანონის უზენაესობას და საშინელ ზიანს აყენებს ამერიკელებს.

„ეს ერი დაარსდა იმ პრინციპით, რომ ამერიკაში მეფეები არ არსებობენ. თითოეული ჩვენგანი კანონის წინაშე თანასწორი ვართ. არავინ, არავინ დგას კანონზე მაღლა, შეერთებული შტატების პრეზიდენტიც კი. სასამართლოს დღევანდელი გადაწყვეტილება თითქმის დარწმუნებით ნიშნავს, რომ პრაქტიკულად არ არსებობს შეზღუდვები იმაზე, თუ რა შეუძლია გააკეთოს პრეზიდენტმა. ადამიანს, რომელმაც ეს ბრბო აშშ-ის კაპიტოლიუმში გაგზავნა, იმ დღეს მომხდარის გამო პოტენციური სისხლის სამართლის წესით გასამართლება ემუქრება. ამერიკელი ხალხი იმსახურებს პასუხის გაცემას სასამართლოში მომავალ არჩევნებამდე“, - აღნიშნა ბაიდენმა.

აშშ-ის უზენაესი სასამართლოს გადაწყვეტილებით, დონალდ ტრამპს ოფიციალური ქმედებებისთვის იმუნიტეტი აქვს, მაგრამ არა პირადი ქმედებებისთვის. აშშ-ის უზენაესმა სასამართლომ დაადგინა, რომ დონალდ ტრამპის სისხლისსამართლებრივ პასუხისმგებლობაში მიცემა პრეზიდენტის რანგში განხორციელებული ოფიციალური ქმედებებისთვის არ შეიძლება, მაგრამ იმუნიტეტი პირად ქმედებებზე არ ვრცელდება.

ირაკლი მელაშვილი - ხელისუფლებასა და ოპოზიციას შორის რაიმე იდეოლოგიური კომპრომისის ადგილი ფაქტობრივად აღარ არსებობს, არჩევანია ან აქეთ - ევროპისკენ, ან იქით - რუსეთისკენ
ქართული პრესის მიმოხილვა 18.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო
გაზმომარაგების უმსხვილესმა კომპანია, „თბილისი ენერჯიმ“ BDO Digital-თან პარტნიორობით კიბერ და ინფორმაციული უსაფრთხოების საერთაშორისო სტანდარტი, ISO/IEC 27001:2022 დანერგა
საქართველოს უნივერსიტეტის ჯანმრთელობის მეცნიერებების სკოლა
ახალი „ლენდ კრუიზერ პრადო“ - ლეგენდის თანამედროვე გაგრძელება
20 ივლისიდან სილქნეტი ოპტიკური ინტერნეტის სიჩქარეებს გაზრდის