ნიდერლანდების თავდაცვის მინისტრის, კაისა ოლონგრენის განცხადებით, F-16 ტიპის 24 საბრძოლო თვითმფრინავის უკრაინისთვის მიწოდების მიზნით ექსპორტის ნებართვა გაცემულია.

„2023 წლის 22 დეკემბერს და 2024 წლის 5 თებერვალს პალატას ეცნობა 24 F-16-ის უკრაინისთვის მიწოდების შესახებ. საგარეო საქმეთა მინისტრისა და საგარეო ვაჭრობისა და თანამშრომლობის განვითარების მინისტრის სახელით გაცნობებთ, რომ პირველი თვითმფრინავების მიწოდება მალე მოხდება. პალატას ვაცნობებთ, რომ უკრაინაში სამხედრო ტექნიკის ექსპორტისთვის საჭირო ნებართვა გაცემულია“, - აღნიშნულია კაისა ოლონგრენის წერილში, რომელიც მან წარმომადგენელთა პალატას გაუგზავნა.

წერილში აღნიშნულია, რომ ნიდერლანდები უკრაინისთვის F-16 ტიპის პირველი თვითმფრინავების მიწოდებას მალე დაიწყებს, თუმცა კონკრეტული თარიღი მითითებული არ არის და ამის შესახებ წარმომადგენელთა პალატას კონფიდენციალურად ეცნობება.