ლევან ბეჟაშვილი - „ქართული ოცნება“ გამალებით ცდილობს გენერალური პროკურორის თანამდებობაზე მათთვის სასურველი კანდიდატი დანიშნოს - არცერთმა კანდიდატმა არ უნდა მიიღოს მონაწილეობა ამ პროცესში

ფრაქცია „ერთიანი ნაციონალური მოძრაობის“ საპარლამენტო დეპუტატის, ლევან ბეჟაშვილის განაცხადებით, „ქართული ოცნების“ წარმომადგენლები ცდილობენ მათთვის სასურველი კანდიდატი გენერალური პროკურორის თანამდებობაზე გაიყვანონ.

ბეჟაშვილი გენერალური პროკურორის კანდიდატებს მოუწოდებს, რომ „პოლიტიკურ ფარსში მონაწილეობა არ მიიღონ“.

„საზოგადოება ხედავს, თუ როგორ გამალებით ცდილობს „ქართული ოცნება“ გენერალური პროკურორის თანამდებობაზე მათთვის სასურველი კანდიდატი დანიშნოს მაშინ, როდესაც საპარლამენტო არჩევნებამდე, სადაც ხელისუფლების ახალი ლეგიტიმაციის ჩამოყალიბება ქართველი ხალხის მიერ, არჩევნების გზით უნდა მოხდეს, მაშინ როდესაც „ქართული ოცნების“ ხელისუფლებას პრაქტიკულად ლეგიტიმაცია აღარ აქვს, „რუსული კანონის“ მიღების შემდგომ - ამის მიუხედავად, ისინი ცდილობენ მათთვის სასურველი კანდიდატი გენერალური პროკურორის თანამდებობაზე გაიყვანონ და ხელისუფლება მიიტაცონ, მათ შორის პროკურატურაში. ვფიქრობ, რომ არცერთმა კანდიდატმა არ უნდა მიიღოს მონაწილეობა ამ პროცესში, ვინაიდან ახალი ლეგიტიმაციით არჩეული პარლამენტი აუცილებლად შეისწავლის ამ დანიშვნის საკითხებს, აუცილებლად პოლიტიკურ შეფასებას მისცემს და ამ გადაწყვეტილების გადახედვა მოხდება.

თავად გაბიტაშვილის კანდიდატურა, განსაკუთრებული პროფესიული ღირსებებით არ გამოირჩევა. საზოგადოებას კარგად ახსოვს, სარალიძის საქმესთან დაკავშირებით საგამოძიებო კომისიაში მისი დაკითხვის პროცედურა - მას არ გამოუჩენია თავი მაღალი კვალიფიკაციით. ამიტომ აქაც ხელისუფლება ცდილობს, რაც შეიძლება სანდო ადამიანი იყოს და პროფესიონალიზმს მნიშვნელობა არ აქვს, რადგან ამ სანდო ადამიანმა პოლიტიკური დავალებები შეასრულოს. ამიტომ გაბიტაშვილს და სხვა კანდიდატებსაც მოვუწოდებთ, რომ ამ პოლიტიკურ ფარსში მონაწილეობა არ მიიღონ და ყველა დაველოდოთ საპარლამენტო არჩევნებს, სადაც ახალი ლეგიტიმაციით ქართველი ხალხის მიერ ლეგიტიმური პარლამენტი გენერალური პროკურორის და სხვა მაღალი თანამდებობის პირებზე ადამიანების გამწესებას მოახდენს“, - განაცხადა ლევან ბეჟაშვილმა.

ლევან ლორთქიფანიძე - დასავლეთის მკაცრი, მიზანმიმართული გადაწყვეტილებები, ივანიშვილს აგრძნობინებს, რომ მან ადრე ჩამოწერა აშშ და ევროკავშირი, რომ დასავლეთი არ აპირებს ხელი აიღოს თავის ინტერესებზე სამხრეთ კავკასიაში
ქართული პრესის მიმოხილვა 18.07.2024
კავკასიის ტექნოლოგიების სკოლა და კომპანია „პარვუს ჯგუფი“ აბიტურიენტებს და დაინტერესებულ პირებს ენერგეტიკისა და ელექტროინჟინერიის ახალი საბაკალავრო პროგრამის პრეზენტაციაზე იწვევს
კავკასიის მედიცინის ცენტრი JCI აკრედიტებული პირველი მულტიპროფილური რეფერალური ჰოსპიტალი გახდა ქვეყანაში
მეხუთე თაობის „სანტა ფე“ - მზად ნებისმიერი თავგადასავლისთვის