ჯაბა სამუშია ოფიციალური ვიზიტით მესინას უნივერსიტეტში იმყოფება

თბილისის სახელმწიფო უნივერსიტეტის რექტორი, აკადემიკოსი ჯაბა სამუშია თსუ დელეგაციასთან ერთად ოფიციალური ვიზიტით ევროპის ერთ-ერთ უძველეს უნივერსიტეტს - მესინას (იტალია) უნივერსიტეტს ეწვია. ამის შესახებ ინფორმაციას თსუ ავრცელებს.

როგორც თბილისის სახელმწიფო უნივერსიტეტის ინფორმაციაშია ნათქვამი, უნივერსიტეტებს შორის გაფორმდება ინსტიტუციური ხელშეკრულება, რომელიც თანამშრომლობის უფრო ფართო სპექტრს მოიცავს.

„თსუ-სა და მესინას უნივერსიტეტს შორის თანამშრომლობა ათეულ წელზე მეტია გრძელდება და ფოკუსირებულია ანთროპოლოგიისა და ეთნოლოგიის მიმართულებებზე. ამასთან, ორივე უნივერსიტეტი აქტიურადაა ჩართული ევროკავშირის პროგრამაში ერასმუს პლუსი, რომელიც სტუდენტების, აკადემიური და ადმინისტრაციული პერსონალის მობილობას ითვალისწინებს.

ვიზიტის ფარგლებში თსუ-ის დელეგაცია შეხვდა მესინას უნივერსიტეტის პირველ ვიცე-რექტორს, პროფესორ ჯუზეპე ჯორდანოს და პრორექტორს აკადემიური მიმართულებით, პროფესორ ანტონინო ჯერმანას, ასევე, უძველესი, ანტიკური და თანამედროვე ცივილიზაციის ფაკულტეტის დეკანს და აკადემიურ პერსონალს. შეხვედრებზე შეთანხმდნენ, რომ უნივერსიტეტებს შორის გაფორმდება ინსტიტუციური ხელშეკრულება, რომელიც თანამშრომლობის უფრო ფართო სპექტრს მოიცავს.

თსუ-ში მესინას უნივერსიტეტის წარმომადგენლების ვიზიტი 2025 წლის გაზაფხულზე იგეგმება, რომლის დროსაც ხელი მოეწერება შეთანხმებას ურთიერთთანამშრომლობის გაფართოებასა და საუნივერსიტეტო განვითარების პროექტების შემუშავებაზე“, - ნათქვამია განცხადებაში.

რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ქართული პრესის მიმოხილვა 11.07.2024
ვახტანგ ძაბირაძე - თუ  ყველაფერი ასე გაგრძელდა, თან ამას დაემატა დასავლეთის მიერ არჩევნების შედეგების არ აღიარება, დასავლეთის საქართველოსთან პარტნიორობა დასრულდება და დასრულდება ყველა მიმართულებით
ფლორენს ბაუერი - დემოგრაფიულ ცვლილებასთან გამკლავების საუკეთესო გზა არის ისეთი პირობების შექმნა, რომელიც ადამიანებს საკუთარი მომავლისა და ოჯახის მიმართ მტკიცე რწმენას გაუჩენს
უპრეცედენტო პირობები Renault Captur-ის ახალი ავტომობილის შეძენისას
თიბისი სტარტაპერებისთვის ახალ კამპანიას იწყებს
ბაზისბანკი სვანეთის IV საერთაშორისო კინოფესტივალის ოფიციალური სპონსორია