ISW - უკრაინა რამდენიმე ახალი ბრიგადის აღჭურვას ვერ ახერხებს

უკრაინა სამხედრო მოსამსახურეების დეფიციტს ებრძვის და ახალ ბრიგადებს აყალიბებს, მაგრამ ვერ ახერხებს მათ აღჭურვას დასავლური სამხედრო დახმარების დაგვიანებისა და არასაკმარისი რაოდენობის გამო, - ამის შესახებ ამერიკული ომის შესწავლის ინსტიტუტი (ISW) იუწყება.

„დასავლეთის დროული და ადეკვატური დახმარება უსაფრთხოების სფეროში ერთ-ერთ გადამწყვეტ ფაქტორად რჩება, რომელიც განსაზღვრავს როდის და რამდენად შეძლებენ უკრაინული ძალები ხელში ჩაიგდონ ინიციატივა ბრძოლის ველზე და განახორციელონ ოპერატიულად მნიშვნელოვანი კონტრშეტევითი ოპერაციები მომავალში“, - აცხადებენ ორგანიზაციის ექსპერტები.

„ომის შესწავლის ინსტიტუტის“ ანალიტიკოსები ციტირებენ ჩასოვ-იართან განლაგებული ერთ-ერთი უკრაინული ბრიგადის მეთაურს, რომლის თქმითაც, მის ოპერატიული ზონაში უკრაინულ ჯარებს უფრო მეტად ესაჭიროებათ საბრძოლო მასალა, ვიდრე ცოცხალი ძალა.

უკრაინის პრეზიდენტმა, ვოლოდიმირ ზელენსკიმ Bloomberg-თან ინტერვიუში განაცხადა, რომ უკრაინის უნარი, ჩაატაროს წარმატებული კონტრშეტევითი ოპერაცია, დამოკიდებულია ახალი ბრიგადების მძიმე აღჭურვილობით აღჭურვაზე. ISW-ი წერს, რომ როგორც ჩანს, საუბარია სულ მცირე 10 ახალი უკრაინული ბრიგადის დასავლური იარაღით, მათ შორის, ქვეითთა საბრძოლო მანქანებით და ტანკებით, აღჭურვაზე.

ვახტანგ ხმალაძე - თბილისის საქალაქო სასამართლოს მოსამართლე პრეზიდენტის კონსტიტუციურ უფლებამოსილებებში შეიჭრა, რისი უფლებაც მას არ ჰქონდა
გიორგი გობრონიძე - ხელისუფლება საზოგადოებასთან ბოლომდე გულწრფელი არ არის
ქართული პრესის მიმოხილვა 22.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო