ევროკავშირის როტაციულ თავმჯდომარეობას ევროკავშირის სახელით რუსეთთან ჩართულობის მანდატი არ გააჩნია, - ამის შესახებ ევროპული საბჭოს პრეზიდენტი, შარლ მიშელი “ტვიტერის” პირად გვერდზე წერს.

“ევროკავშირის როტაციულ თავმჯდომარეობას ევროკავშირის სახელით რუსეთთან ჩართულობის მანდატი არ გააჩნია.

ევროპული საბჭო მკაფიოა: რუსეთი აგრესორია, უკრაინა მსხვერპლია. უკრაინის შესახებ არანაირ საუბრებს არ შეიძლება ჰქონდეს ადგილი უკრაინის გარეშე”, - წერს მიშელი.

ევროპული საბჭოს პრეზიდენტი მედიაში გაჟღერებულ ამდაგვარ ცნობებს ეხმაურება, რომელთა თანახმადაც ევროკავშირის საბჭოს თავმჯდომარე ქვეყნის - უნგრეთის - პრემიერ-მინისტრი ვიქტორ ორბანი კიევში ვიზიტიდან სულ რამდენიმე დღის შემდეგ მოსკოვში ვიზიტს გეგმავს. აღნიშნული ინფორმაცია თავდაპირველად უნგრულ მედიაში გავრცელდა, რის შემდეგაც ის, თავის წყაროებზე დაყრდნობით, “რადიო თავისუფლების” უნგრულმა სამსახურმაც დაადასტურა.