ნატო-ს სამიტი უნდა იყოს ძლიერი, ძლიერი უკრაინისთვის და ყველა ჩვენი პარტნიორისთვის, - ამის შესახებ უკრაინის პრეზიდენტმა, ვოლოდიმირ ზელენსკიმ განაცხადა.
მისი თქმით, ალიანსის მომავალ კვირაში დაგეგმილი სამიტის შესახებ ხანგრძლივი შეხვედრა გამართა.
„სამიტი უნდა იყოს ძლიერი, ძლიერი უკრაინისთვის და ყველა ჩვენი პარტნიორისთვის. ასევე გაიმართება უკრაინა-ნატოს საბჭოს სხდომა. ვმუშაობთ ახალი გადაწყვეტილებების დეტალებზე, ახალ დოკუმენტებზე, რომლებსაც მოვაწერთ ხელს ჩვენს პარტნიორებთან. კარგი რაღაცები უნდა იყოს, განსაკუთრებით საჰაერო თავდაცვასთან დაკავშირებით“, - აღნიშნა უკრაინის პრეზიდენტმა.
მისი თქმით, უკრაინისთვის უსაფრთხოების საკითხზე ახალი შეთანხმება მომზადდა.
„ძლიერი შეთანხმება, რომელიც ნამდვილად დაუჭერს მხარს უსაფრთხოების შეთანხმებების მთელ ჩვენს არქიტექტურას და ეს არის ჩვენი უსაფრთხოების გარანტი უკრაინის ნატო-ში გაწევრიანებამდე. გადაწყვეტილება, რომელიც შეუქცევადია“, - განაცხადა პრეზიდენტმა ზელენსკიმ.