UAG-ის 100 თანამშრომელი „112“-ის სასწავლო ცენტრის მიერ სერვის პლუსის მიმართულებით გადამზადდნენ

საქართველოს აეროპორტების გაერთიანების (UAG) თანამშრომლებს შინაგან საქმეთა სამინისტროს საზოგადოებრივი უსაფრთხოების მართვის ცენტრის ,,112”-ის სასწავლო ცენტრის მიერ ეფექტიანი კომუნიკაციების მომსახურების სფეროში ტრენინგების ციკლი ჩაუტარდათ.

აეროპორტების გაერთიანების ინფორმაციით, 4-კვირიანი სწავლება ქუთაისის საერთაშორისო აეროპორტის, ასევე მესტიისა და ამბროლაურის ადგილობრივი აეროპორტების იმ თანამშრომლებს ჩაუტარდათ, რომლებიც მგზავრთა მომსახურების მიმართულებით მუშაობენ.

მათივე ცნობით, 112-ის სასწავლო ცენტრის ტრენერების მიერ, საწყის ეტაპზე, აეროპორტების გაერთიანების 100 თანამშრომელი გადამზადდა. ტრენინგის დასასრულს, ქუთაისის საერთაშორისო აეროპორტში აეროპორტების გაერთიანების ოპერირების დირექტორმა ლევან ცხადაძემ და ,,112”-ის დირექტორის მოადგილემ, მერი ჩიქობავამ მონაწილეებს სერტიფიკატები გადასცეს.

„დასრულდა აეროპორტების გაერთიანების თანამშრომლების ტრენინგები, რომლებიც მიმართული იყო მომხმარებელთან ურთიერთობის ხარისხის ამაღლებაზე. აღნიშნული ტრენინგები გაიარეს ჩვენი კომპანიის 100-მდე თანამშრომელმა როგორც ქუთაისის საერთაშორისო აეროპორტის, ისე მესტიისა და ამბროლაურის აეროპორტების ე.წ. front desk-ის პერსონალმა. მუდმივად ვზრუნავთ ჩვენი თანამშრომლების კვალიფიკაციის ამაღლებაზე. დარწმუნებულნი ვართ, რომ მსგავსი სახის ტრენინგები, რომელთა პერიოდულად ჩატარებაც იგეგმება, თითოეული მათგანის კვალიფიკაციის ამაღლებას და ჩვენ მიერ მიწოდებული მომსახურების გაუმჯობესებას“,- განაცხადა ლევან ცხადაძემ.

აეროპორტების გაერთიანების ინფორმაციითვე, სწავლება, საზოგადოებრივი უსაფრთხოების მართვის ცენტრსა და საქართველოს აეროპორტების გაერთიანებას შორის ურთიერთთანამშრომლობის მემორანდუმის ფარგლებში განხორციელდა. სასწავლო ტრენინგები სერვის პლუსსა და ეფექტურ კომუნიკაციაში ქუთაისის, მესტიის ამბროლაურის და სამომავლოდ, თელავის აეროპორტის თანამშრომლებს პერიოდულად ჩაუტარდებათ. საჭიროების შემთხვევაში შესაბამისი რეკომენდაციების შემუშავება იგეგმება.

ანდრო გოცირიძე - საქართველო დღეს ბევრად უფრო დაუცველია, ვიდრე, მაგალითად, ათი წლის წინ იყო
ქართული პრესის მიმოხილვა 10.02.2025
პეტრას აუსტრევიჩუსი - გზა, რომელსაც „ქართული ოცნება“ ადგას, აბსოლუტურად რუსული, აღმოსავლური გზაა
„ბიბლუსში“ თიბისის ხანგრძლივი ქეშბექ კამპანია დაიწყო - 20%-იანი ქეშბექი თიბისის მოსწავლის ბარათის ან ახალი თიბისი ბარათის მქონე სტუდენტებისთვის „ბიბლუსის“ სრულ ასორტიმენტზე
ევროპის ოლიმპიური კომიტეტების პრეზიდენტი თბილისის საერთაშორისო სტანდარტების ყინულის არენაზე, "ბაკურიანი 2025"-ის ფარგლებში მიმდინარე შეჯიბრებას დაესწრო