ვიქტორ ორბანი ახალ „მოულოდნელ შეხვედრებს“ აანონსებს
უნგრეთის პრემიერ-მინისტრი, ვიქტორ ორბანი რუსეთის პრეზიდენტთან, ვლადიმერ პუტინთან მოლაპარაკებებს დაუჯერებელ ფაქტს უწოდებს და აცხადებს, რომ მომავალში კიდევ მეტი მოულოდნელი შეხვედრა იქნება.
„ეს დაუჯერებელი ფაქტია, თუნდაც იმიტომ თუ რას აკონტროლებს ის. თქვენ ახსენეთ ქობინები, მაგრამ არის ასევე ტერიტორია, მოსახლეობა და უზარმაზარი ბუნებრივი რესურსები, რაც მათ აქვთ. ასე რომ, ეს არის ნამდვილი იმპერია. ერთი კაცი მართავს ნამდვილ იმპერიას“, - აღნიშნა ორბანმა.
მისი თქმით, ის საიდუმლოდ ინახავდა რუსეთში ვიზიტს, "სანამ შეეძლო“ და რომ მომავალში კიდევ იქნება "ასეთი მოულოდნელი შეხვედრები".
შეგახსენებთ, უნგრეთის პრემიერ-მინისტრი, ვიქტორ ორბანი ჯერ უკრაინაში, შემდეგ კი რუსეთში იმყოფებოდა. ორბანმა რუსეთის პრეზიდენტ ვლადიმერ პუტინთან შეხვედრის შემდეგ განაცხადა, რომ უკრაინის კონფლიქტთან დაკავშირებით მხარეების პოზიციები ერთმანეთისგან ძალიან განსხვავდება.
