კომპანიის წილის შეძენა, შერწყმა, ერთობლივი საწარმოს დაფუძნება ან კონტროლის ნებისმიერი სხვა ფორმით მოპოვება GCCA-სთან წინასწარ სავალდებულო შეტყობინებას ექვემდებარება

საქართველოს კონკურენციისა და მომხმარებლის დაცვის სააგენტოს (GCCA) მიერ, ევროკავშირის კანონმდებლობის შესაბამისად, შემუშავებულია ქვეყანაში განხორციელებული კონცენტრაციების კონტროლის ეფექტიანი მექანიზმი და მუდმივ რეჟიმში მიმდინარეობს განხორციელებული კონცენტრაციების კონტროლი. საქართველოს კონკურენციისა და მომხმარებლის დაცვის სააგენტოს ინფორმაციით, კონცენტრაციების შესაძლო ფაქტების გამოვლენის და მათზე კანონმდებლობით გათვალისწინებული რეაგირების მიზნით, GCCA ყოველკვარტალურ მონიტორინგს ახორციელებს. ხდება მიღებული და დამუშავებული სტატისტიკური ინფორმაციის გამოქვეყნება.

„მნიშვნელოვანია აღინიშნოს, რომ GCCA-ს წინასწარ სავალდებულო წერილობით შეტყობინებას ექვემდებარება კონცენტრაცია თუ მისი მონაწილე პირების ჯამური ერთობლივი შემოსავალი, საქართველოს ტერიტორიაზე, წინა ფინანსური წლის მდგომარეობით, 20 მილიონ ლარს აღემატება და ამასთან, კონცენტრაციის მონაწილე მინიმუმ ორი პირიდან თითოეულის ერთობლივი შემოსავალი 5 მილიონ ლარზე მეტია.

GCCA-ის გვერდის ავლით, მის მიერ შეტყობინების განხილვამდე ან უარყოფითი დასკვნის მიუხედავად, სავალდებულო შეტყობინებას დაქვემდებარებული კონცენტრაციის განხორციელების შემთხვევაში, შეტყობინების წარდგენის ვალდებულების მქონე პირი ჯარიმდება.

2014-2023 წლებში, სხვადასხვა სექტორში, ეკონომიკური აგენტების კონცენტრაციის შესახებ, გაცემულია 37 თანხმობა.

კონცენტრაციის შესახებ შეტყობინების განხილვის საფასურია 5000 ლარი“, - ნათქვამია ინფორმაციაში.

რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ქართული პრესის მიმოხილვა 11.07.2024
ვახტანგ ძაბირაძე - თუ  ყველაფერი ასე გაგრძელდა, თან ამას დაემატა დასავლეთის მიერ არჩევნების შედეგების არ აღიარება, დასავლეთის საქართველოსთან პარტნიორობა დასრულდება და დასრულდება ყველა მიმართულებით
ფლორენს ბაუერი - დემოგრაფიულ ცვლილებასთან გამკლავების საუკეთესო გზა არის ისეთი პირობების შექმნა, რომელიც ადამიანებს საკუთარი მომავლისა და ოჯახის მიმართ მტკიცე რწმენას გაუჩენს
უპრეცედენტო პირობები Renault Captur-ის ახალი ავტომობილის შეძენისას
თიბისი სტარტაპერებისთვის ახალ კამპანიას იწყებს
ბაზისბანკი სვანეთის IV საერთაშორისო კინოფესტივალის ოფიციალური სპონსორია