დავით ბერძენიშვილი - ხელისუფლებამ იცის, რომ თუ ხელოვნური მექანიზმებით ვერ ამოქოლა მსხვილი გაერთიანებები, მაშინ აგებს, მაგრამ ოპოზიციამაც იცის, რომ გამარჯვების გასაღები გამსხვილებაშია, ამიტომაც პროცესი კარგად წავიდა

ოპოზიციამ იცის, რომ გამარჯვების გასაღები გამსხვილებაშია, ამიტომაც გამსხვილების პროცესი კარგად წავიდა , - ამის შესახებ „რესპუბლიკური პარტიის“ ერთ-ერთმა ლიდერმა, დავით ბერძენიშვილმა „პალიტრანიუსის“ გადაცემაში „პოლიტიკური სივრცე“ პოლიტიკური პლატფორმა - „ერთიანობის" დაფუძნებაზე საუბრისას განაცხადა.

დავით ბერძენიშვილის განმარტებით, ხელისუფლებამ იცის, რომ ხელოვნური მექანიზმებით თუ ხელი ვერ შეუშალა მსხვილი გაერთიანებების ჩამოყალიბებას, მაშინ ის აგებს.

“„ნაცმოძრაობამ“ დღეს ვინც წარადგინა, ძალიან კვალიფიციური ადამიანები არიან. ბიზნესიდან წამოსულ დეპუტატებს, რომლებიც „ნაციონალური მოძრაობის“ სიით არიან გასულები და არცერთი მათგანი ერთხელაც არ გამოსულა პარლამენტში, თუ ჩაანაცვლებენ ადამიანები, ვინც სცენაზე დღეს ავიდნენ, ძალიან კარგი იქნება. იმის მიუხედავად გული მეთანაღრება თუ არა რომელიმე მათგანზე, ყველა კვალიფიციურია. ამიტომ ამ ვითარებაში კვალიფიციური ადამიანებით ჩანაცვლება კადრების არის სწორი.

ხელისუფლებამ იცის, რომ ხელოვნური მექანიზმებით თუ ვერ ამოქოლა მსხვილი გაერთიანებები, მაშინ ის აგებს, მაგრამ ოპოზიციამაც იცის, რომ გამარჯვების გასაღები გამსხვილებაშია, ამიტომაც გამსხვილების პროცესი კარგად წავიდა. რომელიმე ნომრით ფორმალურად გაერთიანებული ერთი სუბიექტი, რეალურად კი მრავალპარტიული კოალიცია გავა პარლამენტში. „ნაციონალური მოძრაობა“, „სტრატეგია აღმაშენებელი“ პლუს ეს ადამიანები, რომელთა რაოდენობაც როგორც ჩანს, კიდევ გაიზრდება და ეს კარგია. ფულის ტომრები - არა, კვალიფიციური ადამიანები - კი. გია ჯაფარიძე ძალიან მაღალი კვალიფიკაციის სპეციალისტია“, - განაცხადა დავით ბერძენიშვილმა.

დავით ბერძენიშვილის თქმით, არცერთი პოლიტიკური ჯგუფი, რომელიც არის რამდენიმე ათეულ ათასი ხმის ამღები, არ უნდა აღმოჩნდეს ბარიერგადაულახავ ოპოზიციაში.

„ყველას მოუწევს ყველასთან თანამშრომლობა. მე ვგულშემატკივრობ, რომ არცერთი პოლიტიკური ჯგუფი, რომელიც არის რამდენიმე ათეულ ათასი ხმის ამღები, არ აღმოჩნდეს ბარიერგადაულახავ ოპოზიციაში. ეს რომ მოხერხდეს ამაზე პასუხისმგებლობა ორმხრივია. როგორც პოლიტიკური ცენტრების დამფუძნებელი პოლიტიკური ლიდერების, ასევე, პატარა პოლიტიკური ჯგუფების, რომელთაც ბარიერის გადალახვის შანსი არ აქვთ“, - განაცხადა დავით ბერძენიშვილმა.

ირაკლი მელაშვილი - ხელისუფლებასა და ოპოზიციას შორის რაიმე იდეოლოგიური კომპრომისის ადგილი ფაქტობრივად აღარ არსებობს, არჩევანია ან აქეთ - ევროპისკენ, ან იქით - რუსეთისკენ
ქართული პრესის მიმოხილვა 18.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო
გაზმომარაგების უმსხვილესმა კომპანია, „თბილისი ენერჯიმ“ BDO Digital-თან პარტნიორობით კიბერ და ინფორმაციული უსაფრთხოების საერთაშორისო სტანდარტი, ISO/IEC 27001:2022 დანერგა
საქართველოს უნივერსიტეტის ჯანმრთელობის მეცნიერებების სკოლა
ახალი „ლენდ კრუიზერ პრადო“ - ლეგენდის თანამედროვე გაგრძელება
20 ივლისიდან სილქნეტი ოპტიკური ინტერნეტის სიჩქარეებს გაზრდის