კახა კალაძე ევროკავშირის ელჩის განცხადებაზე - ჯარს ამოაცალეს თანხები და გიგაურს და ლომჯარიას მისცეს - ეს არის მათი დემოკრატია და დამოკიდებულება

ჯარს ამოაცალეს ეს თანხები და გიგაურს და ლომჯარიას მისცეს. ეს არის მათი დემოკრატია და დამოკიდებულება, - ამის შესახებ თბილისის მერმა კახა კალაძემ საქართველოში ევროკავშირის ელჩის, პაველ ჰერჩინსკის განცხადებასთან დაკავშირებით აღნიშნა, რომელმაც განაცხადა, რომ 30 მილიონი ევრო, რომლის გადარიცხვასაც საქართველოს თავდაცვის სამინისტროსთვის გეგმავდნენ, გაყინულია.

კალაძის თქმით, ჯარს არაფერი მოაკლდება, „ხელისუფლების მხრიდან ყველაფერი გაკეთდება იმისთვის, რომ ქართული ჯარი იყოს მოწოდების სიმაღლეზე“.

„გაყინვით არ გაუყინავთ. ჯარს ამოაცალეს ეს თანხები და გიგაურს და ლომჯარიას მისცეს. ეს არის მათი დემოკრატია და დამოკიდებულება. ჯარს, რომელმაც ყველაფერი გააკეთა იმისთვის, რომ სამშვიდობო მისიებში მიეღო მონაწილეობა, თუნდაც ავღანეთში, აფრიკაში, ყოველთვის მადლობის წერილებს ვიღებდით ჩვენი ჯარისკაცების მოქმედებების გამო. ის, რომ სამშვიდობო მისიებში უმრავლესობით ვიყავით წარმოდგენილები, იმაზე მეტი ვიყავით, ვიდრე ნატო-ს ქვეყნები და დღეს ევროკავშირი გამოდის და გვეუბნება, რომ ჯარისთვის განკუთვნილ თანხას ვაუქმებთ და ვაძლევთ ლომჯარია-გიგაურს. მინდა გითხრათ, რომ ჯარს არაფერი მოაკლდება. ხელისუფლების მხრიდან ყველაფერი იქნება გაკეთებული, იმისთვის, რომ მოწოდების სიმაღლეზე ვიყოთ“,- განაცხადა კალაძემ.

კითხვაზე, რატომ გაწყვიტა აშშ-მ და ევროკავშირმა საქართველოს ხელისუფლების დაფინანსება, კალაძე პასუხობს, რომ არავის მიეცემა იმის საშუალება, რომ საქართველოში უკრაინიზაცია მოხდეს.

„ძალიან მარტივია, საქართველოს ხელისუფლება იცავს ამ ქვეყნის სუვერენიტეტს, იცავს სახელმწიფოებრიობას და იცავს თითოეულ მოქალაქეს. არავის მიეცემა იმის საშუალება, რომ საქართველოში უკრაინიზაცია მოხდეს. ქვეყანაში შენარჩუნებული იქნება მშვიდობა. სიცოცხლის ფასადაც რომ დაგვიჯდეს, მშვიდობა იქნება შენარჩუნებული, არანაირ სანქციებში არ ვაპირებთ ჩართვას“,- განაცხადა კალაძემ.

ირაკლი მელაშვილი - ხელისუფლებასა და ოპოზიციას შორის რაიმე იდეოლოგიური კომპრომისის ადგილი ფაქტობრივად აღარ არსებობს, არჩევანია ან აქეთ - ევროპისკენ, ან იქით - რუსეთისკენ
ქართული პრესის მიმოხილვა 18.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო
გაზმომარაგების უმსხვილესმა კომპანია, „თბილისი ენერჯიმ“ BDO Digital-თან პარტნიორობით კიბერ და ინფორმაციული უსაფრთხოების საერთაშორისო სტანდარტი, ISO/IEC 27001:2022 დანერგა
საქართველოს უნივერსიტეტის ჯანმრთელობის მეცნიერებების სკოლა
ახალი „ლენდ კრუიზერ პრადო“ - ლეგენდის თანამედროვე გაგრძელება
20 ივლისიდან სილქნეტი ოპტიკური ინტერნეტის სიჩქარეებს გაზრდის