ახალი საზოგადოებრივი მოძრაობა „ერთიანი ნეიტრალური საქართველო“ დღეს დაფუძნდება.

11:00 საათზე, სასტუმრო „შერატონ მეტეხი პალასში“ ბრიფინგი გაიმართება, სადაც საზოგადოებრივი მოძრაობა „ერთიანი ნეიტრალური საქართველოს“ დამფუძნებელი ჯგუფის წევრები მასობრივი ინფორმაციის საშუალებებისთვის საზოგადოებრივი მოძრაობის დაფუძნების თაობაზე განცხადებას გააკეთებენ.

„ბრიფინგზე მოძრაობის დამფუძნებელი წევრები საზოგადოებას და მედიას გაუზიარებენ ინფორმაციას მოძრაობის დაფუძნების მიზეზებისა და მიზნების შესახებ.

საზოგადოებრივ მოძრაობას ექნება ცენტრალური ოფისი თბილისში, სადაც ყოველდღიურ რეჟიმში წარიმართება მუშაობა მოძრაობის ამოცანების შესასრულებლად.

საზოგადოებრივი მოძრაობა „ერთიანი ნეიტრალური საქართველოს“ დამფუძნებელი ჯგუფის წევრები: ვატო შაქარიშვილი, ბიძინა გიორგობიანი, ნანა კაკაბაძე, გელა ნიკოლაიშვილი, ლევან ნიკოლეიშვილი“, - ნათქვამია გავრცელებულ ინფორმაციაში.