იურიდიული დახმარების სამსახურს ცენტრალური საარჩევნო კომისიის წარმომადგენლები ესტუმრნენ.

იურიდიული დახმარების სამსახურის ცნობით, შეხვედრის მიზანი იყო ახალი საარჩევნო რეფორმების, მათ შორის, ტექნოლოგიური სიახლეების გაცნობა და იმიტირებულ არჩევნებში მონაწილეობა.

„პრეზენტაციის დროს იურისტებმა ცესკოს წარმომადგენლებს დაუსვეს შეკითხვები, როგორც უშუალოდ რიგითი ამომრჩევლისთვის საინტერესო სფეროდან, ასევე, იმ კანონმდბლობიდან გამომდინარე, რაც შესაძლოა დაკავშირებული იყოს საარჩევნო პროცესის დროს წარმოქმნილი პრობლემების სასამართლოში გასაჩივრების შემთხვევებთან.

შეხვედრის ბოლოს სპეციალური ტექნიკის გამოყენებით ჩატარდა იმიტიებული არჩევნები, რომელშიც ყველამ მიიღო მონაწილეობა“,- ნათქვამია ინფორმაციაში.