ესპანეთმა უკრაინას ტანკები გადასცა, - ამის შესახებ ინფორმაციას ესპანეთის თავდაცვის სამინისტრო ავრცელებს.

სამხედრო დახმარების ახალ პაკეტში Leopard 2A4-ის 10 ტანკი და ტანკსაწინააღმდეგო რაკეტები შედის.

ესპანეთის თავდაცვის სამინისტროს ცნობით, ტანკები მომავალ შაბათ-კვირას პოლონეთში იქნება და შემდეგ მათი ტრანსპორტირება უკრაინაში მოხდება.

„ამ მნიშვნელოვანი გადაადგილების ყველა ეტაპზე უსაფრთხოების შესაბამისი ზომებია მიღებული“, - განაცხადეს თავდაცვის სამინისტროში.

აღნიშნული სამხედრო დახმარების პაკეტის ჩათვლით, ესპანეთის მიერ უკრაინისთვის გადაცემული ტანკების საერთო რაოდენობამ 20-ს მიაღწია.