დღეს, მთვარის კალენდრით პირველი თვის, მუჰარამის მეათე დღეს სუნიტი მუსლიმები აშურას აღნიშნავენ.

ამის შესახებ ინფორმაციას რელიგიის საკითხთა სახელმწიფო სააგენტო ავრცელებს.

მათივე ცნობით, აშურას სუნიტი მუსლიმები სხვადასხვა მნიშვნელოვან მოვლენებს უკავშირებენ, განსაკუთრებით იხსენებენ წარღვნის შემდეგ, წინასწარმეტყველ ნუჰის (ნოე) ხმელეთზე გადმოსვლას.

რელიგიის სააგენტოს განმარტებით, ითვლება, რომ ამ დღეს სამადლო საქმეების კეთება განსაკუთრებით სასურველია. სავალდებულო არ არის, მაგრამ დიდ მადლად ითვლება ამ დღეს მარხვის დაცვა.