კრემლს არ ესმის, რას გულისხმობს ვოლოდიმირ ზელენსკი „მეორე სამშვიდობო სამიტში“, - ამის შესახებ რუსეთის პრეზიდენტის პრესმდივანმა, დიმიტრი პესკოვმა განაცხადა, როდესაც მან კომენტარი გააკეთა უკრაინის პრეზიდენტის განცხადებასთან დაკავშირებით, რომ რუსეთის ფედერაციის წარმომადგენლებმა მეორე სამშვიდობო სამიტში მონაწილეობა უნდა მიიღონ.

„პირველი სამშვიდობო სამიტი სულაც არ იყო სამშვიდობო სამიტი, ამიტომ, პირველ რიგში უნდა გავიგოთ, რას გულისხმობს ის“, - განაცხადა კრემლის წარმომადგენელმა.

შეგახსენებთ, უკრაინის პრეზიდენტმა, ვოლოდიმირ ზელენსკიმ განაცხადა, რომ რუსეთის ფედერაციის წარმომადგენლებმა მეორე სამშვიდობო სამიტში მონაწილეობა უნდა მიიღონ. უკრაინის საკითხზე სამშვიდობო კონფერენცია შვეიცარიაში 15-16 ივნისს გაიმართა. რუსეთი ღონისძიებაზე მიწვეული არ ყოფილა.