ტრამპ-ვანსის ადმინისტრაცია კარგად ჟღერს, - ამის შესახებ ვიქტორ ორბანის მრჩეველმა, უნგრეთის პრემიერ-მინისტრის პოლიტიკურმა დირექტორმა, ბალაჟ ორბანმა განაცხადა.

„ტრამპ-ვანსის ადმინისტრაცია კარგად ჟღერს. ვულოცავ ჯეი დი ვანსს დონალდ ტრამპის მიერ ვიცე-პრეზიდენტობის კანდიდატად არჩევას“, - წერს ბალაჟ ორბანი X-ზე.

წარსულში, ოჰაიოელმა სენატორმა ვიქტორ ორბანის მთავრობის ზოგიერთი პოლიტიკის მიმართ მხარდაჭერა გამოხატა.

„ყველაზე ახლოს, რაც კონსერვატორები უნივერსიტეტებში მემარცხენეობის დომინირების პრობლემის მოგვარებასთან მივიდნენ, უნგრეთში ვიქტორ ორბანის მიდგომა წარმოადგენს“, - განაცხადა ჯეი დი ვანსმა თებერვალში.