ბორის ჯონსონმა დონალდ ტრამპთან უკრაინის საკითხი განიხილა, - ამის შესახებ ინფორმაციას დიდი ბრიტანეთის ყოფილი პრემიერ-მინისტრი ავრცელებს.

„პრეზიდენტ ტრამპთან შეხვედრით მოხარული ვარ. ჩვენ უკრაინის საკითხი განვიხილეთ და ეჭვი არ მეპარება, რომ ის ამ ქვეყნის მხარდაჭერისა და დემოკრატიის დაცვის საქმეში ძლიერი და მტკიცე იქნება“, - წერს ბორის ჯონსონი სოციალურ ქსელში.

დიდი ბრიტანეთის ყოფილმა პრემიერმა აღნიშნა, რომ დონალდ ტრამპი მკვლელობის მცდელობის შემდეგ შესანიშნავ ფორმაში იმყოფება.