ჯო უილსონი - მადლიერი ვარ, ორპარტიული “MEGOBARI აქტი” წარმომედგინა, რათა პრორუსული “ქართული ოცნება" ანგარიშვალდებული ყოფილიყო ქართველი ხალხის ნებაზე თავდასხმისთვის
მადლიერი ვარ, ორპარტიული “MEGOBARI აქტი” წარმომედგინა, რათა პრორუსული “ქართული ოცნების” პარტია ანგარიშვალდებული ყოფილიყო ქართველი ხალხის ნებაზე თავდასხმებისთვის, - ამის შესახებ კონგრესმენმა ჯო უილსონმა (რესპუბლიკური პარტია) კონგრესში საქართველოს შესახებ გამართულ მოსმენაზე განაცხადა.
მისი თქმით, ნათელი გახდა, რომ პუტინი ცდილობს წარუტებელი საბჭოთა კავშირის იმპერიის აღდგენას, რათა სარგებელი მოუტანოს ოლიგარქებს.
"ახლა ის ყველა ყოფილ საბჭოთა რესპუბლიკას ემუქრება, რათა წვლილი შეიტანონ წარუმატებელი იმპერიის აღდგენაში. თავისუფლებისა და დემოკრატიის თავიანთ ძიებაში საქართველოსა და მოლდოვას მამაცმა და გაბედულმა ხალხმა მსოფლიო შთააგონეს. სწორედ ამიტომ მადლიერი ვიყავი, რომ ორპარტიული “MEGOBARI აქტი” წარმომედგინა, რათა პრორუსული “ქართული ოცნების” პარტია ანგარიშვალდებული ყოფილიყო ქართველი ხალხის ნებაზე თავდასხმისთვის, ასევე შემოთავაზებულიყო გზა საქართველოს ევრო-ატლანტიკური ტრაექტორიის აღდგენისთვის”, - განაცხადა უილსონმა.
