რუსეთში სტრატეგიული ბომბდამშენი ტუ-22 ჩამოვარდა. ამის შესახებ ინფორმაციას რუსეთის თავდაცვის სამინისტრო ავრცელებს.

მათი ცნობით, ტუ-22მ3 სტრატეგიული ბომბდამშენი ირკუტსკის რეგიონში გეგმური ფრენის შესრულებისას ჩამოვარდა. თავდაცვის სამინისტროს ინფორმაციით, ეკიპაჟმა კატაპულტირება მოასწრო, ხოლო თვითმფრინავი უკაცრიელ ადგილას ჩამოვარდა.

წინასწარი ინფორმაციით, ჩამოვარდნის მიზეზი ტექნიკური გაუმართაობა გახდა.

ცნობისთვის, 2023 წლის აგვისტოში უკრაინის დაზვერვის მთავარი სამმართველოს ხელმძღვანელმა, კირილ ბუდანოვმა განაცხადა, რომ რუსეთს 30-ზე ნაკლები ტუ-22 ბომბდამშენი დარჩა.