კონსტიტუციონალისტ ვახუშტი მენაბდის შეფასებით, “ქართულ ოცნებას“, რომელიც საკონსტიტუციო სასამართლოს აკონტროლებს, მის მიერ გავრცელებულ განცხადებაში დასახული მიზნების მიღწევა არც დღეს გაუჭირდება.

ამასთან, მენაბდე “გამოგონილს“ უწოდებს ქვეყნის ტერიტორიული მთლიანობის აღდგენის შემთხვევაში, კონსტიტუციის შეცვლის საჭიროების თაობაზე გაკეთებულ განცხადებას.

“ქართული ოცნება” განცხადებას აქვეყნებს, სადაც წერს რისთვის სჭირდება საკონსტიტუციო უმრავლესობა. სამ მიზეზს ასახელებს, მაგრამ სამივეს გაკეთება 76 დეპუტატითაც შეუძლია.

შინაარსის ანალიზის გარეშე ვთქვათ:

1. კოლექტიური “ნაცმოძრაობის” არაკონსტიტუციურად გამოცხადება - ხელისუფლება ახლაც სრულად აკონტროლებს საკონსტიტუციო სასამართლოს და უმარტივესად შეუძლია ეს დაავალოს;
2. “ოჯახური ღირებულებების” კონსტიტუციური კანონის მიღება - რაც მანდ უწერია, ყველაფერი ჩვეულებრივი კანონითაც რომ მიიღოს, საკონსტიტუციო სასამართლო მაინც არ გაუუქმებს;
3. ტერიტორიული მთლიანობის აღდგენის შემდეგ კონსტიტუციის შეცვლა - გასაგებია, რომ ეს გამოგონილი მიზეზია.

არის მეოთხეც, მაგრამ არ ვიცით რაა. რა შეიძლება იყოს თქვენი აზრით?“, - წერს მენამდე სოციალურ ქსელში.