დღეს რაც სოფელ მარადიდში ვნახეთ, წარმოსადგენადაც კი რთულია - სოფელი, თითქმის სრულად დატბორილია, ხალხი ფაქტობრივად წყალში ცხოვრობს, განადგურებულია წინაპართა საფლავები, სახნავ-სათესზე რომ არაფერი ვთქვათ, - ამის შესახებ „ძლიერი საქართველოს“ ერთ-ერთმა ლიდერმა, მამუკა ხაზარაძემ აჭარის მოსახლეობასთან შეხვედრისას განაცხადა.

„აი, ეს არის დღეს „ქართული ოცნების“ სახე, რომელსაც არ აინტერესებს არც საკუთარი მოქალაქე და არც ქვეყანა. 35 ოჯახი შესაძლოა მალე წყალმა წაიღოს და ამას „ოცნების“ კაბინეტებიდან გულგრილად უყურებენ.

ასეთი ხელისუფლება არის გასაშვები! 26 ოქტომბერს ჩვენ ყველამ ერთად უნდა მივიღოთ ერთადერთი სწორი გადაწყვეტილება და შანსი მივცეთ რეალურ ალტერნატივას - ხალხს, რომლისთვისაც ადამიანი არის მთავარი ღირებულება, რომელსაც შეუძლია ძლიერი საქართველოს შენება და მართვა!“ - წერს ხაზარაძე სოციალურ ქსელში.

ცნობისათვის, „ძლიერი საქართველოს“ ლიდერები - მამუკა ხაზარაძე, ალეკო ელისაშვილი ლევან ცუცქირიძე და სხვები ორი დღეა აჭარის რეგიონში მოსახლეობას ხვდებიან.

ისინი უკვე შეხვდნენ, ხულოს, შუახევის, ქედას, ხელვაჩაურის და ქობულეთის რაიონის მოსახლეობას, მოისმინეს მათი პრობლემები და გააცნეს საკუთარი გეგმები.