„წინ მხოლოდ გამარჯვებაა“, - ამის შესახებ "ძლიერი საქართველოს" ერთ-ერთი ლიდერი, ირაკლი კუპრაძე სოციალურ ქსელში წერს და აქვეყნებს ფოტოს საქართველოს მეოთხე პრეზიდენტ გიორგი მარგველაშვილთან ერთად.

ასევე, ფოტოზე არიან „ძლიერი საქართველოს" ლიდერები - მამუკა ხაზარაძე, ბადრი ჯაფარიძე, ფიქრია ჩიხრაძე და დავით გამყრელიძე.

„ინტერპრესნიუსი“ "ძლიერ საქართველოში" შესაძლო გაწევრიანებასთან დაკავშირებით ექსპრეზიდენტ მარგველაშვილს დაუკავშირდა, რომელმაც განაცხადა, რომ საკითხზე კომენტარს არ აკეთებს.

ამასთან, პოლიტიკური გაერთიანების პრესსამსახურში არ ადასტურებენ ინფორმაციას, პარტიაში მარგველაშვილის გაწევრიანების შესახებ.