„ქართული ოცნების“ საარჩევნო კამპანია ქობულეთში გრძელდება

„ქართული ოცნება - დემოკრატიული საქართველოს“ ქობულეთის დელეგატი გია ჭყონია, ხუცუბნის თემში თეთროსანის ქუჩის მოსახლეობას შეხვდა.

„ქართული ოცნების“ წარმომადგენლებმა მოქალაქეების მიერ დასმულ შეკითხვებს უპასუხეს და მათ სამომავლო გეგმებთან დაკავშირებით მიაწოდეს ინფორმაცია.

„ინდივიდუალური შეხვედრებით პირადად ვეცნობი თითოეულ ამომრჩეველს და ვისმენ მათ საჭიროებებს. ჩემთვის მნიშვნელოვანია მოსახლეობასთან მჭიდრო კომუნიკაცია და მათი ინტერესებისა და ინიციატივების გათვალისწინება. მადლობა ყველას გულთბილი დახვედრისთვის“, - განაცხადა გია ჭყონიამ.

„ქართული ოცნების“ ინფორმაციით, შეხვედრას ასევე ესწრებოდა ქობულეთის დელეგატი აჭარის უმაღლეს საბჭოში ცოტნე ანანიძე.