ბათუმში, ანგისის ქუჩაზე, ერთ-ერთი კორპუსის ლიფტის შახტაში შუა ხნის კაცი ჩავარდა. ადგილობრივების ცნობით, მამაკაცი ადგილზე დაიღუპა.

არსებული ინფორმაციით, მამაკაცი ამავე კორპუსში დასაქმებული იყო.

შემთხვევის ადგილზე სამართალდამცავები არიან მობილიზებული. ტერიტორია ყვითელი ლენტით არის შემოსაზღვრული.

საქართველოს შს სამინისტროში "ინტერპრესნიუსს" განუცხადეს, რომ გამოძიება "სისხლის სამართლის კოდექსის" 240-ე მუხლით დაიწყო, რაც სამთო-სამშენებლო უსაფრთხოების ნორმების დარღვევას გულისხმობს.