Edison Research-ის მიერ საზოგადოებრივი აზრის კვლევის შედეგების თანხმად, კითხვაზე, დღეს რომ საპარლამენტო არჩევნები ტარდებოდეს, რომელ პარტიას მისცემდით ხმას, გამოკითხულთა 32,3%-მა „ქართული ოცნების“ სასარგებლოდ მისცა ხმა, 20% არჩევნებზე „ერთიანობა- ნაციონალურ მოძრაობას“ დაუჭერდა მხარს, 10,9% – კოალიციას „ცვლილებებისთვის“, 10,5 % „გახარია- საქართველოსთვის“ მხარდამჭერი იქნებოდა, ხმათა 9,3% „ძლიერმა საქართველომ“ მიიღო, „გირჩმა“ ხმათა 6% მოიპოვა, 5,1% კი თავის ხმას ლეიბორისტულ პარტიას მისცემდა.

ცნობისთვის, Edison Research-მა საზოგადოებრივი აზრის კვლევა ტელეკომპანია „ფორმულას“ დაკვეთითა და დაფინანსებით ჩაატარა. გამოკითხვა ჩატარდა 1.09-15.09 პერიოდში მთელი საქართველოს მასშტაბით ოკუპირებული ტერიტორიების გარდა. პირისპირ კვლევის მეთოდით გამოიკითხა 1200 არჩევნებში მონაწილეობის უფლების მქონე საქართველოს მოქალაქე. ცდომილების ზღვარი +/- 2.8%, 95% იანი სანდოობის ზღვრისთვის.