„ქართული ოცნების“ საბურთალოს რაიონის დელეგატი - 26 ოქტომბერს ერთად დამაჯერებლად გავიმარჯვებთ
„ქართული ოცნება- დემოკრატიული საქართველოს" საბურთალოს რაიონის დელეგატი აკაკი ალადაშვილი საბურთალოზე, ბუდაპეშტის N13ა-ს მოსახლეობას შეხვდა.
„ქართული ოცნების“ ინფორმაციით, შეხვედრაზე მოქალაქეები გაეცნენ „ქართული ოცნების" ძირითად ღირებულებებს და სამომავლო გეგმებს. დელეგატმა 26 ოქტომბრის საპარლამენტო არჩევნების მნიშვნელობას გაუსვა ხაზი.
„შეხვედრისას განვიხილეთ ქვეყანაში მიმდინარე პოლიტიკური პროცესები. ასევე, ვისაუბრეთ აღნიშნულ ტერიტორიაზე არსებულ საჭიროებებსა და მათი გადაჭრის გზებზე.
მოქალაქეების მტკიცე მხარდაჭერას ყოველდღიურად ვგრძნობ, სწორედ ამიტომ დარწმუნებული ვარ, 26 ოქტომბერს ერთად დამაჯერებლად გავიმარჯვებთ,“-განაცხადა აკაკი ალადაშვილმა.
შეხვედრას ასევე ესწრებოდნენ, საკრებულოს საბურთალოს მაჟორიტარი დეპუტატი - ავთანდილ ცინცაძე და საარჩევნო შტაბის ხელმძღვანელი - გიზო ვასაძე.
v-if="article.gallery" v-html="article.gallery"
