რუსეთი რაკეტების გადაცემის შესახებ „ჰუსიტებთან“ მოლაპარაკებებს აწარმოებს, - ამის შესახებ ინფორმაციას სააგენტო Reuters-ი დასავლურ და რეგიონულ წყაროებზე დაყრდნობით ავრცელებს.

Reuters-ის ცნობით, რუსეთსა და „ჰუსიტებს“ შორის ფარული მოლაპარაკებები ირანის შუამავლობით მიმდინარეობს და რუსეთის მიერ „ჰუსიტებისთვის“ ხომალდსაწინააღმდეგო რაკეტების გადაცემას ითვალისწინებს.

წყაროებმა სააგენტოს განუცხადეს, რომ მიმდინარე წელს რუსეთისა და „ჰუსიტების“ წარმომადგენლები თეირანში ერთმანეთს ორჯერ შეხვდნენ და შემდგომი მოლაპარაკებები უახლოესი კვირების განმავლობაში გაიმართება.

სააგენტო წერს, რომ რუსეთს „იახონტის“ რაკეტების გადაცემის შესახებ გადაწყვეტილება ჯერ არ მიუღია.