აკაკი ბობოხიძე - „ევროპული საქართველო“ მხარს „ერთიანობა - ნაციონალურ მოძრაობას“ უჭერს და სწორედ ამის გამო საპარლამენტო სიას არ წარვადგენთ
ხმების არ დაკარგვის მიზნით „ევროპული საქართველო“ საპარლამენტო არჩევნებში დამოუკიდებლად არ მიიღებს მონაწილეობას - „ევროპული საქართველო“ მხარს „ერთიანობა - ნაციონალურ მოძრაობას“ უჭერს და სწორედ ამის გამო საპარლამენტო სიას არ წარვადგენთ, - ეს განცხადება დღეს, პარტია „ევროპული საქართველოს“ გენერალურმა მდივანმა აკაკი ბობოხიძემ გააკეთა.
ბობოხიძის თქმით, “ევროპული საქართველო“ საარჩევნო კამპანიაში აქტიურად იქნება ჩართული.
“საზოგადოებისთვის ცნობილია, რომ ხმების არ დაკარგვის მიზნით “ევროპული საქართველო” საპარლამენტო არჩევნებში დამოუკიდებლად არ მონაწილეობს და მხარს “ერთიანობა - ნაციონალური მოძრაობას” უჭერს. სწორედ ამის გამო დღეს ჩვენ საპარლამენტო სიასა არ წარვადგენთ, მაგრამ “ევროპული საქართველო”, მე - როგორც გენერალური მდივანი და ჩვენი თითოეული თანამებრძოლი აქტიურად იქნება ჩართული საარჩევნო კამპანიაში, რათა 26 ოქტომბერს დავასრულოთ ივანიშვილის რეჟიმი დემოკრატიული, მშვიდობიანი არჩევნების გზით”, - განაცხადა აკაკი ბობოხიძემ.
