„ქართული ოცნება - დემოკრატიული საქართველოს“ დელეგატი ზაალ დუგლაძე წინასაარჩევნო კამპანიის ფარგლებში შეხვედრებს ხაშურის მუნიციპალიტეტში, სურამში აგრძელებს
„ქართული ოცნება- დემოკრატიული საქართველოს" ხაშურისა და ქარელის დელეგატი ზაალ დუგლაძე, სურამში, ჩუმათელეთისა და იტრიის მოსახლეობას შეხვდა.
„ქართული ოცნების“ ინფორმაციით, ამომრჩეველთან შეხვედრისას ზაალ დუგლაძემ შეაჯამა სოფელში განხორციელებული პროექტები და ისაუბრა არჩევნებში მოსახლეობის ჩართულობის აუცილებლობაზე.
დელეგატის თქმით, ადგილობრივებისთვის არაერთი პროექტი განხორციელდა. მოეწყო სკვერი, მოწესრიგდა საგზაო ინფრასტრუქტურა. სამომავლოდ იგეგმება ჭაბურღილების მოწყობის სამუშაოები, რაც დასახლებებში წყლის პრობლემას საბოლოოდ მოაგვარებს.
