რუსულმა ძალებმა კიევს Shahed-ის დრონებით შეუტიეს
რუსულმა ძალებმა კიევს Shahed-ის დრონებით შეუტიეს, - ინფორმაციას უკრაინული მედია კიევის საქალაქო სამხედრო ადმინისტრაციაზე დაყრდნობით ავრცელებს.
მათივე ინფორმაციით, უკრაინელებმა ყველა დრონი მოიგერიეს.
„დედაქალაქში საჰაერო თავდასხმის მაუწყებელი განგაში 5 საათზე მეტ ხანს გაგრძელდა. ყველა რუსული დრონი, რომელიც კიევს საფრთხეს უქმნიდა, საჰაერო თავდაცვის ძალებით და საშუალებებით განეიტრალდა“, - აცხადებენ კიევის საქალაქო სამხედრო ადმინისტრაციაში.
წინასწარი ინფორმაციით, უკრაინის დედაქალაქში დრონებით იერიშს ნგრევა და მსხვერპლი არ მოჰყოლია.
