„ქართული ოცნების“ საარჩევნო კამპანიის ფარგლებში დელეგატი ზაურ დარგალი მარნეულის მუნიციპალიტეტის სოფლებში შეხვედრებს აგრძელებს
"ქართული ოცნება- დემოკრატიული საქართველოს" მარნეულისა და გარდაბნის დელეგატი ზაურ დარგალი, წერეთლის ადმინისტრაციულ ერთეულში შემავალი სოფლების: წერეთლის, საიმერლოს, ბეგლიარისა და დიოკნისის მოსახლეობას შეხვდა.
პარტიის მიერ გავრცელებული ინფორმაციით, შეხვედრაზე განიხილეს ადგილობრივებისთვის პრიორიტეტული საკითხები.
ასევე, მათივე ცნობით, „ქართული ოცნების“ მმართველობის პერიოდში მიმდინარე და განხორციელებული პროექტები.
„დელეგატმა მოსახლეობასთან ისაუბრა ქვეყანაში არსებულ პოლიტიკურ მდგომარეობაზე და მიმდინარე მოვლენებზე. ამომრჩეველი გაეცნო გუნდის სამომავლო გეგმებს, განსაკუთრებული აქცენტი კი 26 ოქტომბრის საპარლამენტო არჩევნების მნიშვნელობაზე გაკეთდა“, - ნათქვამია გავრცელებულ ინფორმაციაში.
