უკრაინის თავდაცვის ძალებმა წუხელ რუსების მიერ გაშვებული 19 დრონიდან 18 ჩამოადეს, ერთი დრონი კი რუსეთის ფედერაციის ტერიტორიაზე დაბრუნდა, - ინფორმაციას უკრაინული მედია ქვეყნის შეიარაღებული ძალების საჰაერო ძალებზე დაყრდნობით ავრცელებს.

მათივე ინფორმაციით, 8 ოქტომბრის ღამეს ოკუპანტებმა უკრაინის ტერიტორიას „ისკანდერ-მ“ ტიპის ორი ბალისტიკური რაკეტით ოკუპირებული ყირიმიდან შეუტიეს, 19 დრონით კი - რუსეთის ქალაქ პრიმორსკო-ახტარსკიდან.

„საზენიტო ბრძოლის შედეგად, მტრის 18 დრონი განადგურდა ოდესის, ნიკოლაევის, დნეპროპეტროვსკის, ვინიცასა და ტერნოპოლის ოლქებში, ერთი უპილოტო საფრენი აპარატი კი რუსეთში გაბრუნდა“, - აცხადებენ უკრაინის საჰაერო ძალებში.