„ქართული ოცნება - დემოკრატიული საქართველოს" პარლამენტის დელეგატი სამველ მანუკიანი ნინოწმინდის სოფლების: გორელოვკის, ორლოვკის, ეფრემოვკის, ჟდანოვის, სპასოვკისა და სამების მოსახლეობას შეხვდა.

„ქართული ოცნების“ ინფორმაციით, შეხვედრაზე დელეგატმა ყურადღება გაამახვილა 26 ოქტომბრის საპარლამენტო არჩევნების მნიშვნელობაზე. ასევე შეაჯამა სოფლებში განხორციელებული და მიმდინარე პროექტები.

„ჩვენი გზა არის მხოლოდ მშვიდობით, ღირსებით და კეთილდღეობით ევროპისკენ! ამიტომაც, 26 ოქტომბერს კვლავ უნდა გავერთიანდეთ და გავიმარჯვოთ!“- განაცხადა სამველ მანუკიანმა.