ჯო ბაიდენსა და ბენიამინ ნეთანიაჰუს შორის, შესაძლოა, სატელეფონო საუბარი გაიმართოს, - ამის შესახებ ინფორმაციას სააგენტო Axios-ი ამერიკელ ოფიციალურ პირებზე დაყრდნობით ავრცელებს.

Axios-ის ცნობით, სატელეფონო საუბრის თემა ირანის სარაკეტო იერიშზე ისრაელის პასუხი და თავდასხმის შესაძლო სამიზნე ობიექტები იქნება.

ამერიკელი ოფიციალური პირის განცხადებით, აშშ-ის სურს დარწმუნდეს, რომ ირანის მნიშვნელოვან ობიექტებზე ისრაელის შეტევა არაპროპორციული არ იქნება.

როგორც სააგენტო წერს, სატელეფონო საუბარი დღეს არის დაგეგმილი და ეს აშშ-ის პრეზიდენტსა და ისრაელის პრემიერ-მინისტრს შორის ბოლო ორი თვის განმავლობაში გამართული პირველი საუბარი იქნება.