ანა კობახიძე - უნდა შევახსენოთ ყველა საჯარო მოხელეს და მათ უშუალო ხელმძღვანელს, რომ ეს არის სისხლის სამართლის დანაშაული
ცენტრალური საარჩევნო კომისიის წევრის, ანა კობახიძის განცხადებით, საკრებულოებსა და გამგეობებში თანამშრომლების მიერ პირადობის დამადასტურებლი დოკუმენტის ჩამორთმევა ხდება. როგორც ანა კობახიძემ აღნიშნა, პირადი სახის ინფორმაციის ვინმესთვის გადაცემა, რომელიც საარჩევნო ერთიან სიაშია დატანილი, ისჯება სისხლის სამართლის დანაშაულით.
„ეს არ არის პირველი შემთხვევა, წინა კვირასაც გავასაჯაროეთ მსგავსი ფაქტები, როცა საქმე ეხებოდა საკრებულოებსა და გამგეობებში თანამშრომლების მიერ პირადობის დამადასტურებლი დოკუმენტის ჩამორთმევას. უნდა შევახსენოთ ყველა საჯარო მოხელეს და მათ უშუალო ხელმძღვანელს, რომ ეს არის სისხლის სამართლის დანაშაული და ადმინისტრაციას კვლავ მოვუწოდებ, რომ ჩაატაროს მკაცრი კამპანია, რათა ყველა ამომრჩევლამდე მივიდეს ეს ინფორმაცია, განსაკუთრებით პირადი სახის ინფორმაცია, რომელიც დატანალია საარჩევნო ერთიან სიაში.
ასეთი ინფორმაციის ვინმესთვის გადაცემა, პირველ რიგში არის სისხლის სამართლის დანაშაული და შემდეგ ეს იწვევს მანიპულაციის რისკის არსებობას”,- განაცხადა ანა კობახიძემ.
აღნიშნულ ინფორმაციას კოალიცია „ერთიანობა-ნაციონალური მოძრაობის“ პრესსამსახური ავრცელებს.
