„ქართული ოცნება - დემოკრატიული საქართველოს“ თელავის, ახმეტის, ყვარლისა და ლაგოდეხის დელეგატი ირაკლი ქადაგიშვილი, ახმეტის მუნიციპალიტეტში სოფლების: ჯოყოლოს, დუისის, ომალოს, ქვემო და ზემო ხალაწანის მოსახლეობას შეხვდა.
„ქართული ოცნების“ ინფორმაციით, შეხვედრებზე ისაუბრეს ადგილობრივი და ცენტრალური ბიუჯეტიდან დაფინანსებულ პროექტებზე, რომლებიც მოსახლეობის ცხოვრების პირობების გაუმჯობესების მიზნით უკვე განხორციელდა - მოწესრიგდა სპორტული, საგანმანათლებლო, წყლის და გზების ინფრასტრუქტურა.
„მოსახლეობამ მათთვის მნიშვნელოვან საკითხებზე გაამახვილა ყურადღება, დელეგატის თქმით, მათი გათვალისწინება შემდეგი ეტაპის განსახორციელებელი პროექტების ნუსხაში აუცილებლად მოხდება“, - ნათქვამია ინფორმაციაში.
