პარტია „ევროპელი დემოკრატების“ თავმჯდომარე პაატა დავითაია წინასაარჩევნო კამპანიის ფარგლებში მოსახლეობას რეგიონებში ხვდება. „ევროპელი დემოკრატების“ ინფორმაციით, წინასაარჩვენო კამპანიის ფარგლებში პარტია ოზურგეთში მოსახლეობასათან შეხვედრებს მართავს.

„ოზურგეთელ ამომრჩეველთან შეხვედრაზე მოსახლეობა გვესაუბრა იმ პრობლემებზე, რაც მათთვის მნიშვნელოვანია. ეს არის სოციალური, ჯანმრთელობის, განათლების საკითხები, დასაქმების პრობლემა, რაც რეგიონებში განსაკუთრებით მწვავედ დგას.

ამ ადამიანების ხმა იქნება გადამწყვეტი საპარლამენტო არჩევნებში. სოციალური პრობლემების მიუხედავად, ამომრჩევლისთვის განსაკუთრებით მნიშვნელოვანია ქვეყნის ევროინტეგრაცია. სწორედ, ეს არის პარტია „ევროპელი დემოკრატების“ გზავნილი ჩვენი მხარდამჭერების მიმართ - მიიღონ მონაწილეობა ქვეყნისთვის გადამწყვეტ არჩევნებში და ხმა მისცენ საქართველოს ევროპულ მომავალს“, - განაცხადა პაატა დავითაიამ.