პარტია „ქართული ოცნება - დემოკრატიული საქართველო“ წინასაარჩევნო კამპანიის ფარგლებში დიმიტრი ხუნდაძე შეხვედრებს მცხეთის მუნიციპალიტეტში აგრძელებს
"ქართული ოცნება - დემოკრატიული საქართველოს" მცხეთა-მთიანეთის დელეგატი დიმიტრი ხუნდაძე, მცხეთის მუნიციპალიტეტის სოფელ მუხრანის მოსახლეობას შეხვდა.
პარტიის მიერ გავრცელებული ინფორმაციით, დიმიტრი ხუნდაძემ შეაჯამა სოფლებში განხორციელებული და მიმდინარე ინფრასტრუქტურული პროექტები.
მათივე ცნობით, დელეგატმა მოსახლეობასთან შეხვედრისას ისაუბრა ქვეყანაში მშვიდობის მნიშვნელობაზე, ასევე სოფლებში არსებულ პრობლემებსა და მათი გადაჭრის გზებზე, მან ასევე, 26 ოქტომბრის არჩევნების მნიშვნელობაზე და მასში გამარჯვების მნიშვნელობაზე გაამახვილა ყურადღება.
