"ქართული ოცნება- დემოკრატიული საქართველოს" ბათუმისა და ხელვაჩაურის დელეგატი აჩიკო ბერიძე, თამარის დასახლებაში მცხოვრებ საქართველოს ოკუპირებული ტერიტორიებიდან დევნილ მოქალაქეებს შეხვდა.

პარტიის მიერ გავრცელებული ინფორმაციით, მოსახლეობასთან შეხვედრისას დელეგატმა არსებულ გამოწვევებსა და საჭიროებებზე ისაუბრა.

მათივე ცნობით, აჩიკო ბერიძემ ხაზი გაუსვა 26 ოქტომბრის საპარლამენტო არჩევნებში მოსახლეობის ჩართულობის აუცილებლობას. ასევე, ქვეყანაში მიმდინარე პროცესებსა და მნიშვნელოვან საკითხებზე გაამახვილა ყურადღება დელეგატმა.

„მშვიდობა, რომლის შენარჩუნება ჩვენი გუნდის მთავარი პრიორიტეტია და რომლის ფასიც ყველაზე მეტად საკუთარ ქვეყანაში დევნილმა მოსახლეობამ იცის, სწორედ ამიტომ ისინი მხარს უჭერენ საქართველოს წარმატების და მშვიდობის შენარჩუნებას", - განაცხადა აჩიკო ბერიძემ.