თუ ჩემს შემთხვევაში ამას ბედავენ, გასაგებია რას უკეთებენ სხვებსაც - ამის შესახებ ცენტრალური საარჩევნო კომისიის წევრი, ანა კობახიძე საკუთარ სოციალურ ქსელში პოსტს აქვეყნებს

კობახიძის თქმით, პირი, რომელიც მან პირად დაარეგისტრირა საცხოვრებელ სახლში, საარჩევნო სიაში არ იძებნება.

“ამბავი დაიწყო 21 აგვისტოს, როცა ჩემს საკუთრებაში ჩასაწერად წავიყვანე ჩემი მეგობარი იუსტიციის სახლში, რომელსაც რეგისტრაციის მისამართის შეცვლა უნდოდა. სახელმწიფო სერვისების განვითარების სააგენტოს 30 დღე ჰქონდა პროცედურისთვის, რაც 20 სექტემბერს უნდა დასრულებულიყო, ხოლო “საქართველოს ცენტრალურ საარჩევნო კომისიას” განახლებულ სიაში უნდა მოეხვედრებინა ჩემი ოჯახის წევრი, თავისი იურიდიული მისამართის მიხედვით.

დღეს, როცა სიების საბოლოო კორექტირება დასრულდა და გასაჯაროვდა, საარჩევნო სიაში ჩემს მისამართზე ეს პირი არ იძებნება.

საბედნიეროდ ყველა სერთაშორისო სადამკვირვებლო მისიასთან მაქვს პირადი კონტაქტი და ამ ამბავს ჩემი პირადი მაგალითით გავაგებინებ უკლებლივ ყველას. თუ ჩემს შემთხვევაში ამას ბედავენ, ალბათ გასაგებია რას უშვრებიან სხვებსაც“, - წერს ანა კობახიძე საკუთარ სოციალურ ქსელში.