რუსებმა წუხელ უკრაინის დედაქალაქ კიევზე დრონებით დარტყმა სცადეს, უკრაინელებმა ყველა, მოწინააღმდეგის ათამდე დრონი გაანადგურეს, დაშავდა ერთი ადამიანი, - ინფორმაციას უკრაინული მედია ავრცელებს.

მათივე ინფორმაციით, რუსული უპილოტო საფრენი აპარატები დედაქალაქს სხვადასხვა მიმართულებით მიუახლოვდნენ და კიევში საჰაერო თავდასხმის მაუწყებელი განგაში 5 საათზე მეტ ხანს გაგრძელდა.

ჩამოგდებული უპილოტო საფრენი აპარატების ნამსხვრევები დაფიქსირდა ქალაქის დნეპრის, გოლოსევსკის და სოლომენსკის რაიონებში.