საქართველოს ინოვაციების და ტექნოლოგიების სააგენტოსა (GITA) და Huawei Technologies Georgia-ს შორის ურთიერთთანამშრომლობის მემორანდუმი გაფორმდა. ინფორმაციას ინოვაციების და ტექნოლოგიების სააგენტო ავრცელებს.

მათივე ცნობით, აღნიშნული შეთანხმება მიზნად ინოვაციური პროექტებისა და ტექნოლოგიების განვითარების ხელშეწყობას ისახავს.

„მემორანდუმის ფარგლებში, Huawei ჩაერთვება GITA-ს საუნივერსიტეტო კონკურსში UNI4VERSE, რომელიც მიზნად ისახავს უნივერსიტეტებსა და სტუდენტებში გაზარდოს ინოვაციური და ტექნოლოგიური პროცესების მიმართ ინტერესი და გამოავლინოს წლის საუკეთესო უნივერსიტეტი ამ მიმართულებით.

ასევე, სააგენტო აქტიურად ითანამშრომლებს Huawei-სთან ქუთაისის ტექნოლოგიური ჰაბის განვითარების პროცესში. საერთო ინტერესებიდან გამომდინარე, მემორანდუმის ფარგლებში, მხარეები შესაძლებლობის შემთხვევაში უზრუნველყოფენ სხვადასხვა ორმხრივად მისაღები ერთობლივი ღონისძიებების განხორციელებასა და თანამშრომლობის ფარგლებში ცოდნისა და გამოცდილების გაზიარებას ახალ ტექნოლოგიებსა და ინოვაციებთან დაკავშირებით,“ - აღნიშნულია ინფორმაციაში.