„ქართული ოცნების“ დელეგატი ზუგდიდის საარჩევნო ოლქში, დავით კოდუა ოპოზიციის მხრიდან საარჩევნო კანონდარღვევის შესაძლო ფაქტებზე განცხადებას ავრცელებს.

„ესეც მორიგი საარჩევნო კანონდარღვევის უხეში ფაქტები ოპოზიციის მხრიდან!

პირველ ფოტოზე ზუგდიდის #67-ე საოლქო საარჩევნო კომისიის წევრი, „ძლიერი საქართველოდან“ - დავით ჩქოტუაა, ის მონაწილეობას იღებდა 20 ოქტომბერს თბილისში გამართულ ოპოზიციური პარტიების აქციაში. ასევე ხაზარაძის კოალიციიდან აქციაში მონაწილეობდა ზედა ეწერის 63-ე საუბნო საარჩევნო კომისიის წევრი ერეკლე გუჯეჯიანი (მეორე ფოტო).

საქართველოს ცენტრალური საარჩევნო კომისია - გამოიკვლიეთ საარჩევნო კანონმდებლობის დარღვევის ეს ფაქტები. აქვე მოვუწოდეთ საერთაშორისო სადამკვირვებლო მისიებს, შეისწავლონ და საკუთარ ანგარიშებში ასახონ ჩვენს მიერ მხილებული საარჩევნო დარღვევები”, - წერს კოდუა და ფოტოებს აქვეყნებს.