რესპუბლიკური საავადმყოფოს დირექტორი - უახლოეს დღეებში საავადმყოფო სრულად განაახლებს მუშაობას - ამ ეტაპზე ახალი 150 თანამშრომელი გვყავს, საერთო ჯამში, 600-მდე თანამშრომელია
უახლოეს დღეებში რესპუბლიკური საავადმყოფო სრულად განაახლებს მუშაობას - ამ ეტაპზე ახალი 150 თანამშრომელი გვყავს, - ამის შესახებ თბილისის რესპუბლიკური საავადმყოფოს დირექტორმა, ალექსანდრე მესხმა ჟურნალისტებთან საუბრისას განაცხადა.
მისივე თქმით, კლინიკამ საქმიანობის ნებართვა მიიღო.
„მივიღეთ საქმიანობის ნებართვა. უახლოეს დღეებში სრულად აღდგება, იმ მასშტაბით, რითაც კლინიკა ფუნქციონირებდა. რაც შეეხება კადრების დაკომპლექტებას, შეიძლება ითქვას, რომ ძირითადი ნაწილი დასრულებულია. უახლოეს მომავალში დავიწყებთ ფუნქციონირებას. ამ ეტაპზე ახალი 150 თანამშრომელი გვყავს. საერთო ჯამში, 600-მდე თანამშრომელია“,- აღნიშნა ალექსანდრე მესხმა.
