ჩრდილოეთ ღაზაში, ისრაელის სარაკეტო იერიშს სულ მცირე, 60 ადამიანი ემსხვერპლა, - ამის შესახებ ინფორმაციას სააგენტო Reuters-ი ღაზის სექტორის ჯანდაცვის სამინისტროზე დაყრდნობით ავრცელებს.

ღაზის სექტორის ჯანდაცვის სამინისტროს წარმომადგენლის, მარვან ალ-ჰამსის ცნობით, ისრაელის თავდაცვის ძალებმა ქალაქ ბეიტ ლაჰიაში მდებარე საცხოვრებელ კორპუსს დაარტყეს, რის შედეგადაც, სულ მცირე 60 ადამიანი დაიღუპა, მათ შორის, 20 ბავშვი და 150 ადამიანი დაშავდა.

ისრაელის მხარეს ოფიციალური კომენტარი ჯერჯერობით არ გაუკეთებია.