ისრაელის საჰაერო ძალებმა ლიბანში „ჰეზბოლას“ 100-ზე მეტ ობიექტს დაარტყეს

ისრაელის საჰაერო ძალებმა ლიბანში „ჰეზბოლას“ 100-ზე მეტ ობიექტს დაარტყეს, - ამის შესახებ ინფორმაციას ისრაელის თავდაცვის ძალები ავრცელებს.

ისრაელის თავდაცვის ძალების ცნობით, საჰაერო იერიშების შედეგად „ჰეზბოლას“ ათობით მებრძოლის ლიკვიდაცია განხორციელდა.

ამასთან, ისრაელის თვითმფრინავებმა ლიბანში სარაკეტო გამშვებ დანადგარს დაარტყეს, რომლის გამოყენებითაც გუშინ „ჰეზბოლამ“ ისრაელის მიმართულებით რაკეტები გაუშვა, რის შედეგადაც, მაალოთ-თარშიხაში ერთი ადამიანი დაიღუპა.