ჯო ბაიდენი მომავალი პრეზიდენტის ინაუგურაციას დაესწრება, - ამის შესახებ თეთრის სახლის პრესსპიკერმა, კარინ ჟან-პიერმა განაცხადა.

„პრეზიდენტს ძალაუფლების მშვიდობიანი გადაცემის სჯერა და ეს არის ის, რასაც ნახავთ, რომ ეს პრეზიდენტი გააკეთებს“, - განაცხადა კარინ ჟან-პიერმა.

მისივე თქმით, როგორც წესი, პრეზიდენტები თავიანთი შემცვლელების ინაუგურაციას რეგულარულად ესწრებიან.

„ის, რა თქმა უნდა, მონაწილეობას მიიღებს“, - აღნიშნა თეთრის სახლის პრესსპიკერმა.

ცნობისთვის, აშშ-ის ყოფილი პრეზიდენტი დონალდ ტრამპი 2021 წლის იანვარში ჯო ბაიდენის ინაუგურაციას არ დაესწრო.