10 900-მდე ჩრდილოეთ კორეელი ჯარისკაცი განლაგებულია კურსკში, როგორც რუსეთის საჰაერო სადესანტო და სამხედრო-საზღვაო ძალების ნაწილი, ზოგი მათგანი უკრაინის წინააღმდეგ ომში მიმდინარე ბრძოლებში უკვე მონაწილეობს, - Reuters-ის ინფორმაციით, ამის შესახებ სამხრეთ კორეის პარლამენტის დაზვერვის კომიტეტის წევრმა, პარკ სუნ-ვონმა დაზვერვის ეროვნულ სამსახურზე დაყრდნობით განაცხადა.

მისი თქმით, ჩრდილოეთ კორეამ ასევე გაგზავნა დამატებითი იარაღი უკრაინაში მიმდინარე ომისთვის, მათ შორის თვითმავალი ჰაუბიცები და მრავალი სარაკეტო გამშვები.

ამასთან, სამხრეთ კორეელი დეპუტატის ინფორმაციით, დაზვერვის ეროვნული სამსახური ცდილობს, დაადგინოს რა დანაკარგები განიცადა ჩრდილოეთ კორეის ჯარებმა.